11 dekabr 2024 ci il tarixində Quba-Xaçmaz Regional Mədəniyyət İdarəsi Heydər Əliyev adına Xaçmaz rayon Mədəniyyət Mərkəzində “İlham çeşməsi“ ədəbi məclisinin üzvləri ilə birlikdə Ümummilli lider Heydər Əliyevin anım günü münasibəti ilə “Sən elə bir zirvəsən“ adlı dəyirmi masa təşkil olunub.

Dəyirmi masada Azərbaycan Respublikasının Dövlət Himni səsləndirilib, Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib.

“İlham çeşməsi" ədəbi məclisinin sədri və üzvləri şairlər çıxış edərək Ümummilli lider Heydər Əliyevin ictimai siyasi, mədəni fəaliyyətinə toxunublar, ədəbiyyat və incəsənət xadimlərinə göstərdiyi diqqət və qayğıdan danışıblar.

Müasir Azərbaycanın qurucusu və memarı Heydər Əliyevin Azərbaycan Respublikasının inkişafı istiqamətində çox şaxəli fəaliyyətindən söz açıblar.

Sonda Heydər Əliyevin həyat və siyasi fəaliyyətindən bəhs edən “12 dekabr- Ümummilli lider Heydər Əliyev anım günü“ adlı videoçarx nümayiş olunub.