10 dekabr 2024-cü il tarixində Quba-Xaçmaz Regional Mədəniyyət İdarəsinin Şabran rayon Heydər Əliyev Mərkəzində Ümumilli Lider Heydər Əliyevin anım günü ilə əlaqədar tədbir keçirilib.

Şabran rayon Heydər Əliyev Mərkəzinin və Quba-Xaçmaz Regional Gənclər və İdman İdarəsinin Şabran rayonu üzrə gənclər və idman sektorunun birgə təşkilatçılığı ilə Ümummilli Lider Heydər Əliyevin anım gününə həsr olunmuş “Xalqa bağışlanan ömür”adlı konfrans keçirilib.

Ümummilli lider Heydər Əliyevin anım gününün qeyd olunması, Ulu Öndərin azərbaycançılıq ideologiyasının və zəngin dövlətçilik irsinin gənclər arasında təbliğ edilməsi və gənclərin vətənpərvərlik və dövlətçiliyə sədaqət ruhunda tərbiyə olunması məqsədilə keçirilən tədbirdə Quba-Xaçmaz Regional Gənclər və İdman İdarəsinin rəisi, Şabran rayonu üzrə gənclər və idman sektorunun müdiri, rayonun idarə müəssisə və təşkilat işçiləri, Şabran Peşə məktəbinin tələbələri, şəhər tam orta məktəblərinin yuxarı sinif şagirdləri və fəal gənclər iştirak edib.

İlk öncə gələn qonaqlara Ulu Öndərin zəngin həyat və fəaliyyəti ilə baglı eksponatlar haqqında məlumat verilib.

Tədbirdə çıxış edənlər bütün ömrünü xalqımızın azadlığı və xoşbəxtliyi uğrunda mübarizəyə həsr etmiş Ümummilli Lider Heydər Əliyevin keçdiyi şərəfli həyat və fəaliyyəti haqqında gənclərə geniş məlumat vermişlər.

Sonda Ümummilli Lider Heydər Əliyevin həyat və fəaliyyətini əks etdirən “Xalqa bağışlanan ömür” adlı qısametrajlı film nümayiş olunub.